Psa 82 | MMX | STEP | Moroa it kis silok keneng at lixitkis buru roxun at laxalibet; neni i sevut li levendoxoma avit keneng at lixitkis buru at leven moroa; mo levelinga ren i lok keretna,

Psalms 82

Moroa Neni Lamgomgo Me Vana Axap

1 Moroa it kis silok keneng at lixitkis buru roxun at laxalibet; neni i sevut li levendoxoma avit keneng at lixitkis buru at leven moroa; mo levelinga ren i lok keretna, 2 “Mina xap tinotno nga at liila gese nep at levenaleng mik lok levenete; mi gutak tu taba limixin kapmek! 3 Mina viila mumu avukat loklok atnedi limixin banbalo la lubungkarun mi lodoxoma mokmokso; mina paase mi luruturun tinedi dik pakes la dixo ruuna tevelolos. 4 Minak lox asepmus di boro at lolos at limixin kapmek.

5 Laxampanga vereven aie nimi! Langas panga rangtangku! Nemi laxampanga main! La kopmen tara atnimi i lok tempanga mokmokso at lavatbung menemen.”

6 La nia aga lok bok tidi, “Nemi lavanat moroa; la nemi axap luvutnitna Leeme Avolo. 7 Ketla minaba remet ngan luvuttadi at na laxangka; lorooro atnemi naba vaxap ngan bok lorooro at luvutnitna lavaorong. 8 O Moroa, ude u la unamgomgonga lavatbung menemen; laranep silok axap, ni ataram.